網友意見回響

上周談到「賓架花紅慘變政治武器」，網友當然有意見，禤中怡樂於分享。網友Jacky Wong話：「呢個唔係干預定唔干預嘅問題，政府真金白銀擺錢入去，就好有責任保障納稅人嘅錢用得其所。若果你自己開公司，請個人做經理，你都唔會由得佢亂花錢。特別依家政府放錢入銀行度唔係一個正常嘅投資，而係有特別嘅經濟目的(成功與否另作別論)，咁又點能夠話任市場作主呢？別忘記，若由市場作主，根本很多銀行已經倒閉。」

另一位網友emrk話：「如果話無咗天價酬金就無辦法留住人才，咁我想問，又有甚麼職位可以用天價吸納走呢啲『留唔住』嘅人才?呢啲唔係得唔得嘅問題，係行業風氣有問題。佢哋一日開工四十小時?佢哋依家有無要一死以謝嗰班因為呢鋪而變得一無所有甚至命都無埋嘅人?定還是其實佢哋同依家嘅形勢發展本來無乜關係?為呢種制度開脫未免叫人感到麻木不仁……佢哋賺嘅錢同佢哋出手幫人賺嘅錢去咗邊度?有幾多用咗嚟惠澤社群?野人獻曝一句，咁對世界和平有咩貢獻要將咁多人嘅勞力集中喺佢哋手上?」

禤中怡一向推崇監管寧緊勿鬆，不管政府向銀行注資與否，因為金融業運作不佳，甚至從中有詐，實在會損害很多人的利益，就如上周「小心再中毒」便提出，銀行需每月提交報告的做法，監管機構早應該做，像我們的香港金融管理局頭頭，夠膽話銀行可能見紅，你估他對銀行盤數又是否完全不知道呢？故此，政府和監管機構扮演的角色，理應建立一套監管機制，提升金融機構的管治和透明度水平，例如要求銀行設立獨立董事會，制定論功行賞的政策外，也應設立懲罰制度，並非讓他們做山寨王，待出事才補救就已為時太晚，但若連年薪等也設個金額限制，難免管得太仔細。禤中怡最擔心的是，銀行管理最終有日出現雙頭馬車情況。

當然拿巨額花紅的賓架高層不容原諒，兼且要開檔案調查，但其他努力工作的金融業員工亦不容抹殺其對公司的貢獻，所以禤中怡嘗試從金融業從業員的角度看現今情況。大家不妨思考網友的意見，禤中怡更鼓勵大家多發表意見。

談到寧緊勿鬆，好像港交所(388)上周將延長董事禁止買賣股份期限又再修改，不單將末期業績的禁止買賣期由最長4個月大為縮短至兩個月，甚至連中期業績公布前的禁止買賣期更由原來半年結後的3個月時間，竟然改為半年業績公布前1個月，即維持不變！那麼整個制度變相聊勝於無。

究竟今次是監管機構好心做壞事，抑或是商界力量太巨大，港交所的大員不得不放下尊嚴呢？正當美國監管愈收愈緊，香港這個號稱高質素的金融市場卻不敢收緊條例，實在令人擔心變紙老虎。若經濟續差，又有大商家大叫放寬上市條件「搞旺」股市，屆時港交所是否大開方便之門，放棄質素呢？

(2月17日刊於《am730》)