潮爆投資商機——環保企業

作為投資人，如果只懂在香港找機會，已經十分落後，要佔先機，除注意環球股市走勢外，亦需睇趨勢發展，近年環保意識抬頭，禢中怡亦想同讀者分享一下投資世界環保企業的潮流風向。
近排又講無膠袋日，又講可持續發展，如果我唔想做污染地球嘅幫兇，避免投資一些破壞環境嘅企業，咁又有無基金或者指標，可以選擇呢？咁當然有，早在1999年，道瓊斯已同STOXX以及瑞士SAM Group合作，推出道瓊斯可持續發展指數(Dow Jones Sustainability Indexes)。

入得呢個指數的公司，要符合由瑞士SAM Group所定的一系列可持續發展要求，亦即要在環保、社會發展呢啲方面過到關，至會被放入指數裡面。所以一些惡名昭彰的化學大集團，就唔會在呢個指數中出現。根據呢個指數的成份股進行投資，應該唔會錯誤咁投資落一些危害環保的兇手度。

當然，呢個SAM Group唔係一個NGO，以蘇黎世為基地嘅SAM Group，本身係一間專做環保基金嘅公司，佢旗下好多款唔同概念嘅環保投資基金，現時佢哋有9隻基金，其中一隻更加同滙豐集團合作(不過香港好似無得買)。SAM Group旗下基金，由與道瓊斯可持續發展指數掛鈎嘅基金，到投資一些專搞環保科技公司嘅基金都有。好似佢哋有個可持續發展水基金，就專門投資响同可持續發展有關的水利事業、同淨水科技研究之上，例如佢哋投資嘅其中一間公司AWG plc，主要業務係為英國東南部提供食水，以及污水處理服務。

近排油價貴，SAM Group又有個聰明能源基金，專門投資一些在節能科技度有貢獻的公司，包括港人較熟悉的日本京瓷。好多人都知京瓷出相機叻，但佢哋在太陽能板技術上，都處於領先位置。投資環保企業，在旺市時，可能並非首選，但投資要有長遠、廣闊嘅視野，不要只顧眼前利。但投資唔係做善事，其表現又點呢？佢哋嘅水基金、環保能源基金、可持續發展資產基金都表現唔錯，賺到唔少錢，同大市表現差唔多。

內地零售股風險大

昨日日經下滑接近500點，恒指亦借勢調整。中移動(941)跌近3%，滙控(005)亦跌近1.2%，拖累恒指下挫206點，成交達417億元。焦點當然是和黃(013)賣港口，主要港口股也逆市上升。持有上海港務30%的招商局(144)上升6%，已升至接近97年的高位。上海港務上市看來只是時間問題，如果大連港(2880)也可超額850倍，上海港務無疑會更受歡迎。

港股下跌的原因，除了日本之外，國內政府會否進行宏調也是投資者關注的地方。另外，看到部分公司的業績不及預期，亦令人擔心如果增長放慢，國內公司是否值得高溢價。典型的例子是建行(939)，早前已指出這間國內第三大銀行的貸款增長令人失望，加上明年的平均股東回報率亦會下跌，是否值2.8倍帳面值亦是疑問。不過，作為第一間上市的四大銀行，建行亦有一定指摽作用，中國銀行應會參考建行及交行(3328)的估值。從陰謀論看，未來建行的價格可能會受中國政府(希望較高價錢訂價)以及投資銀行(希望以較合理價錢訂價)的意向所影響。

內地零售業一向被認為是高增長的行業。現時經營超市的物美(8277)的06年預期市盈率為33.4倍，市盈率比盈利幾年翻一番的利豐(494)還高，反映市場對這行業寄予厚望。但對手聯華(980)剛宣布的業績遜於預期。純利2.4億元(人民幣，下同)增長11%，較市場預期的2.6億元低。競爭激烈導致毛利率回落，難怪需要上市集資，透過每年收購一家地區龍頭企業以維持增長。中國第三大電子產品零售商永樂(503)去年10月上市，增長強勁，05年銷售額上升48%至122億元，純利升幅更達56%，至2.89億元。

不過，看真一點，扣除稅項補貼收入，該公司的經營溢利僅升6.6%至2.44億元，同店銷售還下跌2.8%至每方米33.8元。集團的盈利預測因此與招股書的預測2.88億元非常接近，從另一角度說則是令人失望。06年的展望亦不見特別出色，因主要競爭對手會在上海開設分店。管理層亦間接發出盈利警告，指上半年的盈利或較去年上半年為低，難怪連保薦人摩根士丹利亦將其評級調低。

解決方法亦是透過收購。集團打算收購北京中大來提高市場份額，而永樂亦將成為繼國美(493)後國內第二大連鎖店。雖然如此，昨有傳聞指部分永樂的股東希望減持合共3.7億股，因此股價亦照跌20%，而且配售價較昨收市價3.425港元還有折讓。大市現時已由資金推動，有些公司可一日升20%，一日跌20%。當然市場越波動對投機者亦越有趣，不過熱錢來得快走得快，投資前應考慮可承受的風險。

(25-04-06 刊於《am730》)