堅持到底的黃亞細肉骨茶

昨天都講過，到新加坡唔食黃亞細肉骨茶其實仍有大把美食，而曾特首似乎唔係太了解新加坡的民風民情，以及肉骨茶呢種風俗美食的特性，結果係點大家都睇到，黃亞細老闆一於闊佬懶理，唔開O.T.，曾特首同黃亞細肉骨茶緣慳一面。

黃亞細肉骨茶的營業時間，其實一向唔係太啱香港遊客，因為佢只係開早上六時至下午兩時，仲要逢禮拜一休息唔做生意，在新加坡呢個講求效率的城市，聽落真係似天方夜譚，不過黃亞細肉骨茶之所以出名，因為黃亞細好注重肉骨茶的味道，而最好的肉骨茶，一定要用最新鮮的豬肉，因為豬肉稍為無咁新鮮，或者雪藏過，味道已經唔同。特別在南洋呢類熱帶地方，新鮮豬肉可以擺得幾耐？所以黃亞細只在凌晨於屠房買一批新鮮豬肉，絕不留夜，賣晒就無，曾特首要人家加開特別時段服侍佢老人家，黃亞細那裏能找到新鮮豬肉呢？

仲有一樣嘢，話雖人哋覺得人民行動黨執政班友好獨裁，但有一特點，就是有份創辦人民行動黨的林清祥同本身有相當政治潔癖的李光耀共同確立的傳統，就係做官的，唔可以擺官威，唔該你做人做事乾淨過張白紙。所以人民行動黨傳統上，係著白恤衫白褲出嚟選舉，代表人民行動黨的清廉態度。不過，被視為李光耀最大勁敵的林清祥後來被指為馬共分子而遭拘捕，雙方最後分道揚鑣。其實，響新加坡一個咁追求法治的國家，試下有人民行動黨高官敢迫黃亞細延長時間開檔，肯定全新加坡嘩然，之後李光耀執行家法，趕你出人民行動黨都似。所以呢次曾特首無得食肉骨茶事件，熟南洋的人都知係笑話一件。(後話：黃亞細肉骨茶位處小印度區，唔響牛車水嗰面，搭地鐵響花拉公園站落，唔好在小印度站落。）

長沙地皮的買家是誰？

今天官地拍賣場終熱鬧起來。是次主角的大嶼山長沙地皮為2.4萬呎，地積率比約0.4倍，可建樓面不多於約9,645呎，而項目勾地底價1,446.75萬元，即每呎樓面勾地價約1,500元；此地皮既沒有鹹水供應、地理位置亦偏遠，但居然曾有一次試勾被拒。因此市場不在意其成交價，反而在意誰將地皮據為己有。相信發展商多數是觀戰者居多。據了解在大嶼山發展物業，除可開闢作度假邨外，作為商業價值的住宅項目已很難搵，因為愉景灣已是一個強大的對手，若論方便，非東涌莫屬。希望今天成功競投的買家，可以在會後的記者會中，告知我們其發展大計，大嶼山是否有旅遊度假價值，長沙能否變成香港的沙巴呢？

香港樓市目前兩極化跡象愈來愈明顯，以港島區為例，灣仔嘉薈軒已售出三分二單位，反映樓市暢旺？不，只反映港島新盤供應少，加上地區優勢不容易被取代外，港島居民的居住習性是只喜歡住港島，不愛住九龍新界。因此，港島樓市有一定的承接力。至於新界樓市，隨著本港與內地的交通愈來愈方便，已有較多新界市民遷回深圳居住，他們平日搭直通巴士往市區返工，晚上乘車返回內地居住。現時深圳平均價格約每米一萬元(約每呎929元)，較上水物業平均呎價2,500元，折讓約六成，故此扣除過關費、深圳治安等因素，一些市民會選擇居住在深圳。故深港兩地愈方便，對新界物業價格的升值愈無著數。

(7月18日刊於《am730》)